Urnietan Gerra Zibilean eta Frankismoaren lehen urteetan gauzatu zen errepresioa eta giza eskubideen urraketak ikertu ostean, horien berri ematen duten bi liburu argitaratu zituen Urnietako Udala aurreko urtearen amaieran “Urnieta, 1936-1945 Giza Eskubideen zapalketa eta errepresioa Gerra Zibilean eta Lehen Frankismoan” izenburupean.

2020ko abenduaren 11n burutu zen liburuen aurkezpen ofiziala, eta ondoren, bi liburuak herritarren eskura jarri ziren 10 eurotan. Denbora honetan salmenta erritmo onean gauzatu da, eta berriro gogorarazten da, edonork interesa izango balu ondorengo aukerak dituela eskuratzeko:

• Bertan herritarren arreta bulegoa.
• Elkar liburu denda: dendetan bertan eta baita online haien webgunearen bidez.