Urnietako Udalak ohiko osoko bilkura ospatuko du hurrengo asteartean, martxoaren 28an, 20:30ean.

Udalbatzarra Udalaren Youtube kanalean ikusi ahal izango da ondoren. Bestalde, interesa duten herritarrek zuzenean ikustera joateko aukera dute.

Ondorengoa izango da eguneko gai-zerrenda:

1. 2023ko otsailaren 28ko akta onartzea.
2. Alkatetza eta zinegotzi ordezkarien ebazpenen berri ematea: 001/2023-158/2023.
3. Tokiko Gobernu Batzarrak hartutako erabakien kontu ematea: 2023ko otsailaren 9ko eta 23ko eta martxoaren 2ko bilkurak.
4. 2022ko aurrekontuaren likidazioaren onarpenari buruzko 374/2023 Dekretuaren berri ematea.
5. 2023ko egutegi fiskalaren onartzea. 
6. Kiroldegiko gastuaren obligazioa eta ordainketa agindua onartzea.
7. Udaleko ordainsarien igoera eta ondoriozko Langileen Lanpostuen Zerrendaren aldaketa, karrerako funtzionarioei eta behin-behineko langileen ordainsariei dagokiona. 
8. Udaleko ordainsarien igoera, arduraldi esklusiboa edo partziala duten korporazioko kideei dagokiona.
9. Lurraldeko Informazio Batzordearen izena aldatzea, eta Lurraldearen eta Jasangarritasun Energetikoaren Informazio Batzordea izena jartzea.
10. Urnietako Talde Sozialistak aurkeztutako Mozioa, Langardako eremuari buruzkoa.
11. Urnietako Udalaren konpromisoak, adinekoentzako ostatu-zentro bat eraikitzeko orube bat Gipuzkoako Foru Aldundiaren esku jarri eta hari lagatzeko.
12. Galdera-eskariak.