Urnietako Udalak lankidetza-hitzarmen bat sinatu du Super H elkartearekin. Super H-k haur onkologikoei edo gaixotasun larria dutenei eta haien senideei gaixotasunaren prozesuan zehar eta ondoren laguntzeko helburua du.

Era berean, gaixotasun onkologikoen kausei eta tratamenduari buruzko ikerketa-proiektuei laguntzen die, bereziki haurren minbiziari, eta hainbat ekintza antolatzen ditu Urnietako eta inguruko herritarrak sentsibilizatzeko.

3 espazioren lagapena

Sinatutako hitzarmenaren bidez, Udalak hiru gune uzten dizkio elkarteari bere jarduerak garatzeko:

• Lokal bat Errekalde 1-en: elkartea kudeatzeko
• Garaje bat Errekalde 12n: materiala gordetzeko
• Espazio bat San Juan 40n: materiala gordetzeko

Hitzarmena 2025eko abenduaren 31ra arte egongo da indarrean.