Ikasturte berria hastear den honetan, hainbat talde sortzen ari dira Urnietako AEKn eta horietako batzuetan oraindik bada izena emateko aukera. Hauek dira zehazki: maila baxuko taldea, goizez eta euskalduntzen jarraitzeko zein B1, B2, C1 edo C2 titulua lortzeko taldeak arratsaldez. Horietako edozeinetan izena emanda ere, ikasleek HABEren edota Urnietako Udalaren dirulaguntza jasotzeko aukera izango dute.

Kurtsoa ondo hasteko ikasturte hasierako ekitaldia egingo du AEK-k urriaren 5ean, arratsaldez, Elkarteen Etxeko euskaltegi berrian.