Urnietako Udalak herritarrak entzuten jarraitu nahi du eta aurrekontu irekien parte hartze berri bat gauzatuko du. 2023ko aurrekontuko 150.000 euro bideratuko dira urnietarrek herriko auzoetan hobetzeko, konpontzeko edo egiteko ikusten dituzten gauzetara. Horretarako, proposamenak egiteko aukera izango dute.

Aurkezpen publiko bat egingo da martxoaren 9an, 19:30ean, Lekaion, prozesuaren nondik norakoak azaltzeko: zein epe izango duten herritarrek haien proposamenak aurkezteko, proposamen horiek onartuak izateko zein baldintza bete beharko dituzten, eta nortzuk izango duten parte hartzeko aukera, besteak beste. Halaber, aurten ere informazio karpetan photocall bat ipiniko da eta horren inguruko xehetasunak emango dira.

Beraz, hilaren 9ko aurkezpen informatibora joateko gonbita luzatzen die Udalak herritarrei.