Frantziako Tourra Urnietatik igaroko da bihar, uztailak 2, eta hainbat egokitzapen egin dira antolakuntzaren eskakizunak betetzeko.

Idiazabal kalea moztuta

Tropela Andoaindik iritsiko da 15:50ak aldera eta herria zeharkatuko du Idiazabal kaletik, ondoren Hernanirantz jarraitu eta etapa Donostian amaitzeko.

Ondorioz, ezin izango da ibilgailurik ibili 12:00etatik 17:00etara, izan ere, GI-131 errepidea, Andoaindik Hernanira doan errepidea, itxita egongo da Idiazabal kaletik igarota.

Oinezkoei dagokienez, 13:00etatik aurrera ezingo da Idiazabal kalea zeharkatu, lasterketako karabana tropela iritsi baino 2 ordu lehenago igaroko baita.

Ikurrin banaketa

Bestalde, Urnietako Udalak ikurrinak banatuko ditu bihar 13:00etatik aurrera Zaldundegi inguruan izakinak agortu arte.