Gipuzkoako eraikinetako eta lokaletako garbiketa sektoreak greba deialdia egin du ostegunerako (urtarrilak 21), eta ostiralerako (urtarrilak 22), eta kirol instalazioak garbitzeko eta desinfektatzeko baldintzak bermatzea ezinezkoa denez, Udalak bi egun horietan moduluak ixtea erabaki du. Hau da, ezin izango da gimnasioko eremura, kardio geletara eta aldageletara sartu.

Eskubaloiko pistan eta futbol zelaian egiten diren jarduerak aldiz, egiten jarraitu ahal izango dira bi egun horietan.

Udalak barkamena eskatzen du sortutako eragozpenengatik eta bi egun horietan zerbitzu horiek ez eskaintzeagatik.