Elkarretaratzea egin zen atzo arratsaldean San Joan plazan Emakumeenganako Indarkeriaren Aurkako Nazioarteko Egunean. Elkarretaratzearen bidez emakumeek edozein esparru eta testuingurutan jasaten dituzten diskriminazio ugarien ondorioz sortzen den edozein indarkeria matxistaren aurkako gaitzespen irmoa erakustsi nahi izan zen, indarkeria hori desagerrarazten saiatzeko.

Elkarretaratzean indarkeria matxistaren zeharkako biktimen aitortza ere aldarrikatu zen, Asier Niebla urnietarra kasu. Izan ere, egungo legeak erasotzailearekin aldez aurretik harremana duten edo izan duten emakumeak soilik onartzen ditu biktimatzat, gainerako pertsona guztiak alde batera utziz. Hain zuzen ere, Urnietako Udalak lege hori aldatzeko proposamena sinatu zuen elkarretaratzearen aurretik biktimaren kontzeptua zabaltzen saiatzeko, indarkeria matxistaren biktima guztiek (zuzenekoek zein zeharkakoek) lege-babesa izan dezaten.