.
09·03·2021
Eusko Jaurlaritzako Kultura eta Hizkuntza Politika Sailak Berdintzen 2021 beka-deialdia argitaratu du, euskara eta genero berdintasunari buruzko ikerlanak egiteko.
Guztira 4 beka izango dira, bakoitza 7.500 eurokoa.
Beken ikerketa-gaiak honako hauek dira:
- 1.beka: Euskararen biziberritze prozesuak generoari lotuta ulertzeko ikerketa teoriko edo-eta metodologiko demolinguistikoak.
- 2.beka: Generoaren ikuspegia txertatuz eraikitzen diren euskararen biziberritze prozesuei buruzko ikerketa aplikatua.
- 3.beka: Generoa eta hizkuntza uztartzen dituzten corpus, komunikazio edo-eta diskurtso azterketak eremu ezberdinetan (hezkuntza, lan mundua, familia, aisialdia eta kirola…).
- 4.beka: Euskararen biziberritzean emakumeek izan duten paperari buruzko ikerketa lanak (ahozko ondarea baliatuz edo-eta ikerketa bibliografikoak eginez).
Eskabideak aurkezteko epea 2021eko martxoaren 22ra arte egongo zabalik eta horretarako bi aukera egongo dira:
- Bide presentziala: Zuzenean Zerbitzuaren bulegoetan (Donostiako Andia kalean)
- Bide elektronikoa: EAEko Administrazio Publikoaren egoitza elektronikoan.
Esleipendunek 9 hilabete izango dituzte ikerketa osatzeko.
