Goi-mailako herri-kirol erakustaldia izan zen ikusgai atzo eguerdian San Joan plazan. Rural Kutxa aizkora txapelketako finalerdiak jokatu ziren eta harri-jasotzaileak ikusteko aukera ere izan zen.

Herriko hiru protagonista izan ziren plazan. Aizkoran Nerea Arruti lehiatu zen maila bikaina eskainiz eta harri-jasotzen berriz, Malen Moranderia eta Beñat Telleria aritu ziren.

Jendearen erantzuna aparta izan zen eta giro ederra sortu zen plazan.