Jakina denez, aspaldidanik Urnietako kontsumitzaileentzako arreta zerbitzua KIUB Hernaniko bulegoetan egiten da, udalerrien arteko hitzarmen bati esker.

Bulego horrek balio du herritarrei jakinarazteko nola defendatu ditzaketen kontsumitzaile eta erabiltzaile gisa dituzten eskubideak, ondasunak erostean nahiz zerbitzuak erabiltzean. Halaber, kexak, salaketak eta erreklamazioak jasotzeaz eta dagozkien organismoetara bidaltzeaz arduratzen da.

Berritasuna

Orain arte ezinbestekoa zen bulegora gerturatzea kontsultak eta erreklamazioak egiteko, baina aurrerantzean, zeregin horiek online gauzatu ahal izango dira erabiltzaileen erosotasunerako. Bulegoaren gaineko informazio guztia eta gestio horiek aurrera eramateko loturak Urnietako Udalaren webgunean eskura daude.