Odola ematea bizitzak salbatzen laguntzen duen ekintza solidario eta eskuzabala da. Pertsona askori lagun diezaiokeen keinu txikia, baina ezinbestekoa.

Dohaintza horiek ezinbestekoak dira ospitale-zerbitzuek egunero egiten dituzten transfusio-eskaerei erantzun ahal izateko, eta are eta gehiago orain, Euskadiko odol-erreserbak minimoetan baitaude.

Ekarpena modu jarraian gauzatzen duten eta odol-emate kopuru jakin bat egitera iristen diren herritarrei errekonozimendua egiten zaie.

Aurten, hiru pertsonek jaso dute aitortza:

• 25 odol-emate: Axier Alkain Aguado
• 25 odol-emate: Cristina Maria Da Costa Pereira
• 25 odol-emate: Adolfo Merideño Barras

Ekitaldian Jorge Segurado Urnietako alkateak, Consuelo Frutos Gizarte Zerbitzuetako arduradun politikoak eta Odol Emaileen elkarteko ordezkariek parte hartu dute.

Mila esker zuen laguntza eta eskuzabaltasunagatik.