Maiatzean zehar ekintza desberdinak antolatu ostean, Euskaraldiko ekitaldi nagusia hilaren 18an izango da San Joan plazan. 

Egun horretan ekintza mordoaz gozatu ahal izango da. Erraldoiak esaterako, 11:00etan irtengo dira Plazido Muxika plazatik. Eurekin batera izango dira Ostargi konpartsa, Bosko Anitz eta Txanbolin. Eguerdiko 12:00etan dantza ikuskizuna eskainiko du Egape Dantza Taldeak eta jarraian, Urnietako hamaikakoen aurkezpena egingo da. 

Indarrak berritzeko herri bazkaria egingo da 14:00etan Plazido Muxika plazan. Eta arratsaldeko 18:00etan erromeria Ttipika taldearekin San Joan plazan.

Talde eragileak egun handiko ekintzetan parte hartzera eta euskararen alde bakoitzak bere alea jartzera animatzen ditu herritarrak.