Gaztelekua identifikatuko duen irudia aukeratzeko lehiaketa bat martxan jarri zuen Gaztelekuak.

Lehenengo fasean, 11-17 urte bitarteko gazteek parte hartzeko aukera izan zuten haien proposamenak aurkeztuz maiatzak 6-10 bitartean. Orotara 7 lan jaso ziren eta denek bete zituzten lehiaketaren hasieran ipinitako baldintzak.

Bozketa

Ondoren, 7 proposamen horien artean bozkatzeko aukera izan zuten herritar guztiek maiatzak 13-17 bitartean Gaztelekuaren Instagram kontuaren eta Udalaren webgunearen bidez.

Epe horretan, 551 bozka jaso ziren eta Manex Albizuk aurkezturiko lana izan zen bozka gehien eskuratu zituena, 250 hain zuzen. Beraz, bere irudia oinarri hartuta sortuko den biniloa ipiniko da Gaztelekuko atean eraikina identifikatzeko.