Udal zerbitzu eta eraikin gehienek iraila sartzearekin bat berreskuratu zituzten ohiko ordutegiak eta dinamika. Ludotekan berriz, urrian emango diote hasiera ikasturte berriari eta dena prest dute ateak irekitzeko unea iristen denerako.

Ate irekiak eta izen-ematea

Oraindik ludoteka ezagutzen ez duten familientzat ate irekien jardunalduak egingo dira urriak 14-17 bitartean. Horrela espazioa eta funtzionamendua ezagutu ahal izango dituzte. 

Ondoren, interesa dutenek izena emateko aukera izango dute urriaren 21etik 30era arte ludotekan bertan. Matrikularen kostua 15 eurokoa izango da.

Ordutegia

Ludoteka Arantzubiko eskola zaharrean kokatzen da eta astelehenetik ostegunera eskainiko du zerbitzua 17:00etatik 19:00etara ondorengo banaketarekin.

• Astelehena-asteartea: 2018 eta 2019ko haurrak.
• Asteazken eta osteguna: 2015, 2016 eta 2017ko haurrak.

Ludotekaren funtzioa hezitzailea da. Jolasten duten bitartean haurrek ikasi eta sozializatu egingo dute bertan. Jolas librea, jolas kooperatibo eta tradizionalak, abestiak, jostailuak, sormen tailerrak eta ipuinak irakurtzea dira ludotekan aurkituko diren jardueretako batzuk.