Zesta-punta gustuko dutenek kirol modalitate honetaz gozatzeko aukera izango dute asteburu honetan herrian bertan. Izan ere, Urnietan jokatuko baitira Jai-Alai Topen txapelketako, finalerdietako ligaxkako bi partida. 

Lehenengo partida emakumezkoena izango da eta ondorengoak izango dira protagonistak: Ihart Arakistain, Elaia Gojenola eta Irati Moreno.

Bigarren partidan berriz, gizonezkoak arituko dira: Bixente Gonzalez, Xabat Altuna eta Jon Tanbourendeui.

Txapelketa honetan 16 urte edo gehiagoko pilotariek hartzen dute parte. Partidak buruz buru izango dira eta pilotarien artean triangeluar joko bana jokatuko dute.

• Eguna: irailak 6
• Ordua: 18:00
• Lekua: udal pilotalekua
• Sarrera: librea

Argazkia: FIPV