Urnietako Judo Club Adarrako Elene Lizarribarrek, Peio Santosek eta Maialen Lopezek Ciudad de Cáceres Espainiako Junior Kopan parte hartu zuten, asteburu honetan (ekainak 13, larunbata).

Guztiak Euskadiko Judo Federazioak deituta joan ziren, Euskadiko klub ezberdinetako beste 14 judokekin batera.

Lizarribar, 70 kilo baino gutxiagoko emakumezkoetan, finalerako sailkatu zen final-laurdenetan judoka extremadurar bati eta finalerdian aragoar bati gailendu ondoren. Finalean portugaldar ordezkari bat izan zuen aurkari, eta harekin borroka ona egin arren, ezin izan zuen garaipena lortu, zilarrezko domina eskuratuz.

Bestalde, Peio Santosek, 60 kilo baino gutxiagotan, zazpigarren postua lortu zuen egin zituen bost borrokaldietatik hiru irabazi ondoren.

Azkenik, Maialen Lopez, 48 kilo baino gutxiagoko emakumezkoetan, lehen txandan erori zen.