“Urnieta Dantzan” ekitaldiaren hamabostgarren edizioa gauzatuko du Egape Dantza Taldeak ekainaren 5ean. Ekimena egungo egoerara egokituta garatuko dute eta Urnietako zenbait txoko animatuko dituzte musikaz eta dantzaz. Hala, herriko plaza desberdinetan egingo dira saioak.

Plazido Muxikan izango da lehen hitzordua (11:00), Lehen Hezkuntzako kideen eskutik. 

San Joan plazan dantza taldeko helduenek (12:00) zein beteranoek (13:00) egingo dute erakustaldia. 

Etxeberri plazan izango dira DBHko lehen (12:00) eta bigarren (13:00) mailako ikasleak. 

Eta Zaldundegi plaza girotuko dute DBH 3. mailako (12:00) 4. mailako eta batxilergoko kideek (13:00). 

Eguraldi txarra eginez gero, Udal Frontoian izango da emanaldia. 

Ekimen honen bidez herrian dantzak eta kulturak duten garrantzia plazaratu nahi du Egape Dantza Taldeak.