ETB1 telebista kateko “Herri txiki, infernu handi” saioaren atal bat grabatzen aritu dira Urnietan. Herriko hainbat bizilagun elkarrizketatu dituzte, eta ekitaldi nagusia berriz, hurrengo ostegunean grabatuko da Udal frontoian.

• Eguna: martxoak 11
• Ordua: 19:00
• Lekua: Urnietako Udal frontoia
• Hizkuntza: euskara
• Prezioa: doan

Gonbidapenak Saroben martxoaren 8tik aurrera

Ekitaldi nagusian Mikel Pagadi eta Zuhaitz Gurrutxaga aurkezleen bakarrizketez gozatzeko aukera izango da, baita Sebastian Lizasoren bertsoak entzutekoa eta herriko biztanleekin buruturiko elkarrizketak ikustekoa ere.

Saioa zuzenean jarraitzeko gutxienez 16 urte eduki beharko dira. Interesa dutenek gonbidapenak Saroben eskura ditzakete martxoaren 8tik aurrera.

• Sarobeko ordutegia: 9:00-13:00 eta 16:00-18:00

Pertsona bakoitzak bi gonbidapen hartzeko aukera izango du gehienez.