Eduki publikatzailea
.

2022·08·02


Donostialdeak, Behemendi Landa Garapenerako Elkartearen bitartez,  bisita gidatuak antolatu ditu Buruntzaldeako bazterraz ezagutzera emateko. Bisita gidatu hauek pasa den uztailaren 16an hasi ziren, eta igande honetan, abuztuak 7, Urnietaren txanda izango da.

Kasu honetan, Adarramendi inguratuko da, mendian barrena ibilaldi bat eginez. Bisita gidatura animatzen den orok errekasto, larre, zuhaitz lepatu, bista ederrak eta arbasoen lekuko diren monumentu megalitikoak ezagutuko ditu. Bisita doakoa izango da, eta honen iraupena lau ordukoa, 9:30tatik 13:30etara bitartean, eta elkargunea Besabi jatetxeko aparkalekua izango da.

Aldez aurretik izena eman beharko da donostialdea@behemendi.eus helbide elektronikora mezu bat idatziz edota 656 705 243 telefonora deituz. Telefonoaren arreta ordutegia 09:00etatik 15:00etara da, astelehenetik ostiralera. Informazio gehiago behar izanez gero, bide berdinak erabili daitezke.