Eduki publikatzailea
.

2022·09·23


Europako ondarearen jardunaldia ospatuko da Urnietan datorren urriaren 8an. Ekimen honen helburua gure ondarea gertutik ezagutzea izango da, eta horretarako “Urnieta, loratu bedi gure ondarea!” izenpean antolatutako bisita gidatua eskainiko du Udalak urriko bigarren larunbatean .

Ekimenak honetan datza: “Egunero igarotzen gara bertatik, ez gara konturatzen, ez diegu arreta berezirik jartzen, baina, gure ondarea dira. Eskura ditugu, bitxiak dira, baina ez ditugu ezagutzen. Loratu ditzagun eta gozatzen hasi: Errege bidea, Udal harmarria… Osasungarria den txango bat egingo dugu, eta bertan kalitatezko hezkuntza jaso ahal izango dugu emango dizkiguten argibideekin”.

Ekimen honetara bertaratzen den pertsonen hizkuntza lehentasunaren arabera, euskaraz, gazteleraz edo elebitan eskainiko da. Heldu zein haurrek parte hartu dezakete, baina horretarako aldez aurreko izen-ematea egin behar da (940 00 80 33 telefono zenbakian edo merkataritzaurnieta@urnieta.eus helbidean). Txangoaren elkargunea Urnietako San Juan plaza izango da, eta ekintza doakoa izango da.