Eduki publikatzailea
.

2024·04·17


Urnietako Udalak udalekuak antolatu ditu euskaraz 2024ko udarari begira. Eguzkitan blai! eta kirol udalekuak eskainiko dira umeek atsegin dituzten aisi ekintza desberdinak garatuko direlarik bi aukeretan.

Eguzkitan blai!

Noiz ospatuko dira Udalekuak? Ekainaren 24tik uztailaren 26ra, 5 txandatan.

Zein ordutegi izango da? 10:00etatik 13:00etara.

Zaintza zerbitzua eskainiko da? Bai. Zaintza udalekuaren ordutegiekin osatu ahal izango da 8:30etik 13:30era ordu erdiko frakzioetan.

Nork har dezake parte? 2012-2020 urteen bitartean jaiotako haurrek har dezakete parte.

Kuotak: Asteko prezio arrunta 31,67 eurokoa izango da. Familia ugarientzat edo guraso bakarreko familientzat berriz, 25,35 eurokoa izango da asteko prezioa. Bestalde, Urnietan erroldaturik ez daudenek tarifa horiei %20 erantsi beharko diete.

Kirol Udalekuak

Noiz ospatuko dira Udalekuak? Ekainaren 24tik uztailaren 26ra, 5 txandatan.

Zein ordutegi izango da? 10:00etatik 13:00etara (asteazken eta ostiraletan 9:30etik 13:30era).

Zaintza zerbitzua eskainiko da? Bai. Zaintza udalekuaren ordutegiekin osatu ahal izango da 8:30etik 13:30era ordu erdiko frakzioetan.

Nork har dezake parte? 2012-2015 urteen bitartean jaiotako haurrek har dezakete parte.

Kuotak: Asteko prezio arrunta 52,79 eurokoa izango da. Familia ugarientzat edo guraso bakarreko familientzat berriz, 42,23 eurokoa izango da asteko prezioa. Bestalde, izen emate epea ixten denean kiroldegiko bazkide ez direnek tarifa hauei %20 erantsi beharko diete.

Zein epe eskainiko da bi udalekuetan izena emateko? Apirilaren 22tik maitzaren 3ra bitarte.

Nola eman daiteke izena? Ondorengo bide hauen bitartez gauzatu daiteke izen ematea:

  • Bertan bulegoan
  • Lekaio kultur etxean.
  • www.urnieta.eus webguneko formularioaren bidez

IZENA EMAN HEMEN APIRILAK 22 – MAIATZAK 3 BITARTEAN

INFORMAZIO GUZTIA HEMEN