IÑISTORRA EUSKALTZALEEN BILTZARRA ETA AIURRI ASTEKARIA

Urnietako talde honen helburu nagusia da urnietarren artean euskararen erabilera indartzea eta sustatzea. Talde honek sustatzen duen jarduera nagusia Aiurri astekaria da. Manuel Larramendi Kultur Bazkunarekin batera argitaratzen du, eta eskualdeko albisteak ematen ditu, euskara hutsean. Jarduera horretaz gain, taldeak euskararekin eta kulturarekin loturiko hainbat ekitaldi antolatzen ditu, hala nola Iñistor Jaia, San Tomaseko feria, Liburuaren Eguna eta euskarazko film laburren jaialdia.