Urnietako udalekuetan begirale bezala lan egiteko eskaera egiteko epea ireki da
2022·04·28
2022ko Urnietako Eguzkitan Blai eta Kirol Udaleku irekiak kudeatuko dituen Urtxintxa enpresa begiraleen bila ari da.
Udalekuak ekainaren 27tik uztailaren 29 bitarte izango dira eta hezitzaileen ordutegia 9:30-13:00 izango da oro har, nahiz eta zaintza ordutegiaren baitan aldatu daitekeen eta ostiraletan 15:00 arte luzatuko den.
Hautaketa prozesua maiatzaren 20an gauzatuko da, eta, ondoren, formakuntza eta prestaketa saioak egin beharko dira ekainaren 3an eta 4ean.
Izena emateko ondorengo baldintzak bete beharko dira:
- 18 urte beteak izatea
- Euskara ondo menperatzea
Bestalde, hauek dira besteak beste, curriculumaren baremazioan kontuan hartuko diren irizpideak:
- Begirale titulua izatea
- Euskara C1 maila ziurtatzea (agiririk ezean hautaketa prozesuan egiaztatu beharko da)
- Formazioa eta aurreko lan esperientzia
Hezitzaile izateko interesa dutenek izena emateko aukera dute maiatzaren 4 bitarte.
Informazio guztia Urtxintxaren webgunean dago eskura.
