Urnietako Udalaren eta Euskal Fondoa elkartearen arteko hitzarmenari esker garapenerako lankidetzarekin zerikusia duten programak garatuko dira Kuban, Saharan eta Guatemalan. 

Herrialde horietan garapen ekonomiko eta sozialerako edota sentsibilizaziorako egitasmo eta programak sustatzea da helburua.

Udalak 2021.urtean lagunduko dituen proiektuak eta bakoitzera bideratuko dituen diru kantitateak ondokoak dira:

• Kuba: Habanako erdigune historikoan historialarien bulegoak adineko pertsonen arretarako duen programa sendotzea. 5.471 euro
• Sahara: Garraio-azpiegitura laguntzea: Smarako gasolindegia handitzea. 5.471 euro
• Guatemala: Artikulazio instituzionala eta sare sozialak, indarkeriarik gabe bizitzeko III fasea. 5.471 euro