Urnietako Udalak lankidetza hitzarmena sinatu du Katuamets elkartearekin. Katuamets irabazi-asmorik gabeko erakundea da, 2016tik udalerriko kale-katuak kudeatzen dituena, besteak beste, katuen koloniak aurkitu eta kontrolatzeko, eta katu gazte eta otzanak adopzioan emateko helburua izanik.

Horretarako, Udalak 3.000 euroko dirulaguntza emango dio aurten elkarteari, eta sinatutako hitzarmena 2024ko abenduaren 31ra arte egongo da indarrean.