Urnietako Udalak argazki lehiaketa bat antolatu zuen herriko etxe guztietara banatzen duen egutegia osatzeko. Urnieta gaitzat hartuta herriko txokorik maitatuenak ezagutaraztea zen asmoa, egileentzat esanahi berezia dutenak, argazkien bidez haien emozioak, esperientziak edo bizipenak islatzeko.

Ezarritako epearen barruan aurkezturiko argazki guztietatik 13 hatutatu ziren. 12 urteak dituen hilabeteetarako eta bestea berriz, portadarako. Egutegia urte amaieran banatu zen, eta orain, argazki horiek Lekaio kultur etxeko eskaileretan jarri dira ikusgai lehiaketaren aurkezpenean zehaztu zen moduan. Bertan izango dira otsailean zehar.