Urnietako Udalak Merkataritza Indarberritzeko Plan Berezia (MIPB / PERCO) osatzeko prozesua garatzen jarraitzen du Ikertalde enpresaren laguntzarekin eta “On Bizi” merkatarien elkartearen kolaborazio aktibo eta zuzenarekin.

Planaren lanketa ekintza parte hartzaileen bidez egiten ari. Inkestak burutu zaizkie herritarrei telefonoz eta kalean. Halaber, herriko eskaintza aztertu da merkatariekin.

Bilera irekia merkatarientzat otsailaren 7an

Orain arte egindako lana eta bildutako datuak partekatzeko asmoz lan saio bat gauzatuko da hurrengo astelehenean. Bertan, plana osatzeko ekarpenak egiteko aukera ere izango da. Era berean, aurrerantzean jarraitu beharreko pausoen berri emango da.

• Eguna: otsailak 7
• Ordua: 15:00
• Lekua: Sarobe

Bilera herriko merkatari guztiei zuzendua dago, eta, beraz, Udalak merkatari guztiak lan saioan parte hartzera eta ekarpenak egitera animatzen ditu plana ahalik eta aberatsena izan dadin.