Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Urnietako baso, mendi eta zuhaitzak zaintzeko proposamenak burutu dituzte herriko ikasleek

.

2021·06·16


“Eskolako Agenda 2030” programan parte hartu duten Urnietako ikastetxeetako ikasle ordezkariek urtean zehar egindako lana aurkeztu zioten Udalari, eta baso, mendi eta zuhaitzak zaintzeko proposamenak egin zizkioten ekainaren 10ean online ospatu zen Udalbatzarrean. Jorge Segurado alkateak zoriondu egin zituen ikasleak buruturiko lan guztiarengatik, eta era berean, eskerrak eman zizkien gauzaturiko proposamenengatik, guztion ekarpen eta inplikazioarekin herriak jasangarritasunerantz pausoak ematen jarraitzea errazagoa izango dela azpimarratuz.

Berritasuna

Artelatz Ingurumen Zerbitzuaren eskutik herriko ikastetxeetan garatzen den programa honen helburua eskola komunitateak ingurugiroaren aldeko kontzientzia eta ohitura desberdinak bereganatzea da, herritar bezala hausnartzera eta parte hartzera bultzatuz. Aurten gainera, berrikutza batekin etorri da programa, izan ere, azken urteetan landuriko Eskolako Agenda 21 programa Eskolako Agenda 2030ean bihurtu baita. Agenda berri hau, Nazio Batuetako Erakundeek adosturiko garapen jasangarrirako 17 helburuetan oinarritzen da, eta horien harira gauzatu da lanketa ikastetxeetan. 

Aurten egindakoari dagokionez, 15. helburua izan dute abiapuntua: lehorreko ekosistemetako bizia, hain zuzen. Helburu oso zabala izanik, basoen inguruan zentratu dira. Hasieran, gaia ezagutzeko motibazio jarduera desberdinak burutu zituzten ikasleek; hala nola, bideo, ipuin eta jolasen bidez gaira gerturatu, hausnarketak burutu, galdetegiak egin, eta ikastola inguruko eremu berdeak aztertu. Halaber, basoak ernatzen proiektuaren barruan ezkurrak bildu eta modu desberdinetan ereiten saiatu ziren, eta gero, haritz landareak landatu zituzten.

Urnietako egoeraren diagnostikoa egiteko zenbait irteera gauzatu dituzte, besteak beste, Berrasoeta parkera, Fatima ermitaren ingurura eta Adarra mendira. Horrela, zuhaitz desberdinak aztertzeko eta identifikatzeko aukera izan zuten, baita, urtaro bakoitzean itxura nola aldatzen duten ikustekoa ere. 

Ikasleen foroa

Ikastetxe guztiek ikasturtean zehar egindako lanketa ikasleen foroan partekatu zuten eta zenbait ondorio atera zituzten. Esate baterako, naturari dagokionean Urnieta oso gune aberatsa dela eta ibilbide zoragarriak dituela. Bestalde, hobetzeko gauzen atalean, eremuak hobeto ezagutzera emateko saiakera egitea eta gune berdeak hobeto zaindu beharra ondorioztatu zuten.

Hobekuntza horiek aurrera eramateko proposamenak gauzatu zituzten Udalbatzarrean eta alkateak kontuan edukitzeko eta herriko basoak eta eremu berdeak zaintzeko konpromezua adierazi zuen.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.