Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Urnietako baserritarren produktuak herritarren eskura

-

2020·10·08


Urnietako baserritar talde batek eurek ekoiztutako produktuak jarriko ditu herritarren eskura “Km 0” ekimenaren barruan. Modu horretan, herritarrek garaiko eta kalitatezko produktuak erosteko aukera izango dute modu eroso eta erraz batean. Gainera, horrela, bidaietan sortzen den kontaminazioa ekidingo dela, eta era berean, herria suspertuko dela kontatzen dute ekimenaren bultzatzaileek.

4 produktore

Momentuz lau produktorek ekingo diote ekimenari: Adarrazpi, Errekalde, Gurutzeta eta Goiburu baserriek, hain zuzen. Adarrazpik ardietatik eratorritako produktuak eskainiko ditu. Hala nola, esnea, gazta freskoa, mamia, esne gordinarekin egindako gazta eta arkumea. Gurutzeta eta Errekaldek berriz, mota guztietako barazkiak: tomatea, letxuga, porrua, azenarioa, tipulinak, kalabazina, pepinoa, zerba eta kalabaza, besteak beste. Ahateekin egindako produktuak nahi dituztenek ostera, Goiburun izango dute aukera: foie, ahateen haragiarekin egindako albondigak, patea, urdaiazpikoa eta sagar purea dira adibideetako batzuk, denak kontserbanterik eta koloranterik gabeak.

Eskaera whatsappez eta banaketa San Joan plazan

Eskaerak eta erosketak saltzaile eta erosleentzat modu erraz eta antolatu batean egiteko whatsapp talde bat sortuko dute produktoreek, eta produktu horiek erosteko interesa duten herritarrak talde horretara sartuko dituzte. Bertan, larunbat eta igandeetan aste bakoitzean eskaintzen dituen produktuen zerrenda ipiniko du produktore bakoitzak prezioekin eta euren kontaktuarekin batera, eta ondoren, interesa duten herritarrek, produktore bakoitzari komunikatu beharko diote zuzenean zer erosi nahi duten. Horretarako epea asteazkenera bitartekoa izango da. Izan ere, produktuen banaketa eta ordainketa ostegunetan 17:30-18:00 bitartean gauzatuko da San Joan plazan.

Beraz, whatsapp talde hori norabide bakarrekoa izango da. Hau da, produktoreek eskaintzaren gaineko informazioa zabaltzeko soilik baliatuko dute. Gero, hartu-emana, produktore bakoitzarekin izango da. Whatsapp talde horretara batu nahi duten herritarrek 674175430 telefonora idatzi edo deitu beharko dute.

Ekimen irekia

Momentuz 4 produktore horien eskaintza izango da aukeran, baina beste baserritarren batek batu nahiko balu aukera izango luke. Ekimenaren bultzatzaileak gogoz eta ilusioz beterik daude, herritarrek erantzungo duten esperantzaz. Hori bai, zehazten dute orain dela bertakoa babesteko momentua, eskaintzak eskaera izanez gero soilik jarraituko baitu.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.