Zuhaitz Eguna ospatu da gaur Urnietan, eta Egape ikastolako eta Salestarrak-Magale ikastetxeko lehen hezkuntzako bosgarren mailako 60 ikasle inguruk 18 udareondo “Pyrus calleryana Chanticleer” landatu dituzte Etxeberri kalean orain ireki berri den kalean, Ermotegirainoko tartean.

Zuhaitzen ezaugarri garrantzitsuena udaberrian ematen duten txuri koloreko lorea da, Euskal Herriko lorategi askotan oso erabilia, udazkenean hosto koloretsuak dituena.