Urnietako Udalak Eguzkitan blai! eta kirol udalekuak antolatu ditu 2023ko udari begira umeek atsegin dituzten aisiako ekintza desberdinak garatzeko aukera izan dezaten euskaraz.

Bi udalekuak ekainaren 26tik uztailaren 28ra garatuko dira 5 txandatan. Eguzkitan blai! udalekuetan 2011-2019 urteen bitartean jaiotako haurrek har dezakete parte eta kirol udalekuetan berriz, 2011-2014 urte bitartean jaiotakoek.

Izen-ematea

Lehen izen-emate epea amaitu ostean plaza libreak geratu direnez, bigarren txanda bat ahalbidetuko du Udalak maiatzaren 29tik ekainaren 2ra. Epe horretan plazak izen-emateen hurrenkeran esleituko dira.

Interesa dutenek ondorengo lekuetan edo emailez gauzatu dezakete izen-ematea. Zalantzak argitzeko edo informazioa eskuratzeko ere bide horiek baliatu daitezke.

• Bertan herritarren arreta zerbitzua
• Lekaio kultur etxea
• udalekuak@urnieta.eus