.
2021·04·14
Hornitzaileen ordainketen prozesuak arintzeko, akatsak murrizteko eta ordainketa-epeak hobetzeko helburuz, Urnietako Udalak aldaketa bat egin du fakturazio elektronikoari buruzko araudian. Udalaren helburua hornitzaile guztien fakturazioa elektronikoa izatea da.
Paperean 1.000 eurorainoko fakturak soilik
Horrela, aurrerantzean, udalarentzat lanen bat egiten duten autonomoek, profesionalek eta enpresek 1.000 euro baino gutxiagoko fakturak soilik bidali ahal izango dituzte paperean. Kopuru hori gainditzen duten fakturak formatu elektronikoan bidali beharko dira.
Bestalde, 1.000 eurotik beherako fakturak ere formatu elektronikoaren bidez bidal daitezke.
Kontsultak
Hornitzaileren batek zalantzaren bat izanez gero, udaletxera dei dezake duda argitzeko.
- 943 00 80 00 luzapena 164
