Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Udalaren gune gehienak itxiko dira, asteburuan 16 positibo gehiago erregistratu eta egoera kezkagarria bihurtu ondoren

-

2020·10·19


Urnietako egoera nahiko kezkagarria da une honetan, asteburuan Covid 19-ren 16 kasu gehiago erregistratu baitira, 14 eguneko tasa 100.000 biztanleko 743,13-an kokatu delarik. Larunbatean informatu zen moduan, udalerria egoera kezkagarrian zegoen urriaren 8tik 14ra 20 positibo eman ondoren, eta hala, erantzukizunerako beste dei bat egin zen, prebentzio-neurriak errespetatzea bereziki azpimarratuz. Hala ere, azken 4 egunetako zifrak oso adierazgarriak dira, 29 kasu gehiago ezagutu dira eta. Gauzak horrela, Urnietako Udalak neurriak lehenbailehen hartzea erabaki du, joera negatibo hori ahalik eta lasterren iraultzeko eta birusa gehiago ez zabaltzeko. Neurriak bihar sartuko dira indarrean eta hasiera batean igandera bitarte iraungo dute, positiboen garapenaren baitan.

Hainbat udal-gune itxita

Hartutako neurrien artean, jende ugari ibiltzen zen hainbat udal-guneren itxiera nabarmentzen da. Gune horietan ematen diren formakuntza ikastaroak eta UdazkeneanK egitarauaren barruan programaturiko kultur eskaintza ere eten egin dira eta herriko kluben jarduerak ere bertan behera utzi dira (ondorengo lekuetan garatzen direnak), lehiaketak barne:

  • Kiroldegia
  • Sarobe
  • Musika eskola
  • Frontoia
  • Gaztelekua
  • Jubilatuen Egoitza (jarduerak eteten dira, baina taberna, ile-apaindegi, masajista eta kallista zerbitzuak mantentzen dira)
  • Ikasteko gela
  • Liburutegia (liburuak alokatzeko zerbitzua bakarrik mantenduko da)

Bertan, Lekaio eta Gazte Informazio Puntua irekita baina neurriak hartuta

Bestalde, Bertan herritarrentzako arreta-bulegoak zerbitzua eskaintzen jarraituko du, baina ezinbesteko kasuetan soilik bertaratzea gomendatzen zaie herritarrei, garrantzi berezia ez duten gaietarako modu telematikoa eta telefono bidezko forma lehenetsiz. Prebentzio-neurriak zorrotz betearaziko zaizkie bertaratzen diren pertsonei:

  • Banaka sartu beharko da.
  • Kanpoan itxaron beharko da udal langileak deitu arte
  • Musukoa eraman beharko da etxetik
  • Sartzerakoan eskuak hidrogelarekin garbitu beharko dira.

Lekaio kultur etxeak eta Gazte Informazio Puntuak ere zabalik jarraituko dute, bonu kanpainaren salmenta bi toki horietara lekualdatu dela kontuan hartuta, baina salmenta aldez aurreko hitzorduarekin eta modu mailakatu eta kontrolatuan egingo da.

Parke itxiak gauetan

Bestalde, gaueko 20:30etatik goizeko 9:30etara ezin izango da parkeetan egon, eta gainerako orduetan soilik sartu ahalko da.

Neurriak zorroztea

Egoerak okerrera egin ez dezan, funtsezkoa da gutako bakoitzak jokabide egokiak izatea eta osasun-agintariek adierazitako prebentzio-neurri guztiak zorrotz errespetatzea, horrek eragin zuzena baitu guztien ongizatean. Beraz, izan gaitezen arduratsuak eta zaindu gaitezen.

  • Erabili musukoa uneoro.
  • Eskuak maiz garbitu
  • 1,5 metroko distantziak errespetatu
  • Saihestu pilaketak.
  • Berrogeialdiak zorrotz egin.
  • Sintomarik izanez gero, deitu Urnietako osasun-zentrora: 943 00 66 80.

Zentzu horretan, Udaltzaingoak kaleetan duten presentzia areagotuko da, herritarrei neurriak betetzen laguntzeko.

Musukoak banatu dira ikastetxeetan

Prebentzio neurriei lotuta, horiek betetzen laguntzeko eta herritarren segurtasuna bermatzeko, Udalak Udalaren logoa duten musukoak banatu ditu herriko bi ikastetxeetan, bai ikasleentzat eta baita irakasleentzat ere.


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.

x

Izan zaitez lehena herriko albisteen berri izaten

Instalatu ezazu gure PWA eta gure herriko aktualitateen berri (albisteak, agenda, lan-eskaintza...) izango duzu.

Nola instalatu PWA?

Ios-Iphone gailu bat baduzu, udaleko orria zure iPhonean irekitzean, sakatu partekatzeko ikonoa. Sakatu ondoren, sistema eragileari dagozkion aukeren menu bat agertuko zaizu. Bilatu "gehitu hasierako pantailan" botoia eta sakatu haren gainean. Amaitzeko, berretsi hurrengo pantailan ikonoa zure mugikorrean sartu dela, "Gehitu" botoia sakatuta.

Android gailu bat baduzu, sakatu "Instalatu".

Instalatu Ez instalatu

x

Jakinarazpenak

Gailuaren jakinarazpenak aktibatu nahi dituzu azken berriak jasotzeko?

Bai Ez, mila ezker

x

Jakinarazpenak blokeatuta daude

Desblokeatu itzazu jakinarazpenak jaso ahal izateko.

Itxi