Gaur hasi da Asier Niebla urnietarraren heriotza argitzeko epaiketa eta Udal ordezkariak familiari babesa ematera joan dira. Jorge Segurado Urnietako alkateak hedabideen galderak erantzun ditu epaiketa hasi aurretik eta adierazi du familiaren eskaera babesten dutela eta justizia egitea espero dutela.

Asier Niebla bi hilabetez koma egoeran egon ostean hil zen, 2018ko abuztuaren 12an, Donostiako taberna baten kanpoaldean hitz egiten ari zen emakume baten bikotekide ohiak bortizki eraso ostean. Jeloskortasunez egindako erasoa izan zen, Asier une hartan hitz egiten ari neskari, erasotzailearen bikotekide ohiari, sufrimendua eragiteko asmoz. Horregatik, Urnietako Udalak hasiera-hasieratik ulertu zuen ekintzaren motibazioa erabat matxista izan zela, eta, beraz, halakotzat jo behar zela, eta jarrera hori berresten du.