Trenbideko zubian dauden espaloiak 2 metroraino zabalduko dira eremu horretako irisgarritasuna hobetuz eta oinezkoen igarotzea erraztuz. Horretarako, gaur egun kotxeentzako dauden bi errailetako bat kenduko da, nahiz eta ibilgailuek bi norabideetan zirkulatzeko aukera izaten jarraituko duten, baina ez aldi berean. Seinaleak jarriko dira lehentasunak ezartzeko.

Herritarrek parte hartze prozesuan eskaturiko hobekuntza

Hobekuntza hau herritarrek aurreko urteetako parte hartze prozesuetan buruturiko proposamenetariko bat da, eta Udala esku-hartzeak aurrera eramaten ari da pixkanaka ekimen horiekin bere konpromezua berrestuz.

Igarobidea obrak gauzatu bitartean

Espaloiak zabaltzeko lanak hurrengo astean hasiko dira eta amaitu bitartean oinezkoentzat igarobidea bermatuta egongo da. Ibilgaileun kasuan berriz, herrigunetik industriagunera joateko aukera egongo da, alderantziz ordea ezingo da pasa. Beraz, landagunetik edo industriagunetik herrigunera sartzeko, ITV-ko biribilgunetik egin beharko da.

Hurrengo fasean gainerako espaloi zatia

Orain egingo diren lanekin zubiko espaloi zatia zabalduko den arren, hurrengo fase batean gainerako espaloi zatia zabaltzea aurreikusten da irisgarritasuna ibilbide osoan hobetzen saiatzeko asmoz.