Hurrengo astelehenean, azaroaren 1ean, Santu Guztien Eguna ospatuko da eta kanposantura jende asko gerturatu ohi dela kontuan edukita, Urnietako Udalak hainbat gomendio zabaldu nahi ditu dena modu ordenatu, kontrolatu eta egoki batean garatzeko. Izan ere, Covid-19aren pandemiak eragindako osasun-larrialdia amaitu bada ere positiboen datuek gora egin dute azken egunetan, eta beraz, arduraz eta erantzukizunez jokatzen jarraitu beharra dago:

• Musukoa erabili kanposantuaren barruan.
• 1,5 metroko distantziak errespetatu.
• Gel hidroalkoholikoa aplikatu sarreran eta irteeran.
• Hilerriaren beheko partetik sartu eta goiko aldetik irten.

Udal langileak eta Udaltzainak bertan izango dira, eta euren argibideak jarraitzea eskatzen zaie herritarrei.

Bestalde, kotxez joaten direnentzat aparkalekua ahalbidetuko da Erratzuko industriagunearen hasieran.