Pump Track-a praktikatzen dutenek horretarako espazioa izango dute aurrerantzean Urnietan, izan ere, Ermotegi eta Etxeberri artean pista bat eraikitzeko lanak amaitu baitira.

Hori izan da herritarrek azken urteetan gauzaturiko parte-hartze prozesuetan egindako eskaeretako bat eta, horrela, Udalak hartutako konpromisoa bete du.

Pump track-a zirkuitu bat da, normalean neurri txikikoa, eta erabat egin daiteke monopatin batekin edo bizikleta batekin, zirkuituko jauzietan eta peralteetan hartutako inertziaren eta pertsonaren beraren trebetasunaren bidez soilik bultzatuz.

Zirkuitua

Urnietako zirkuituak 400 metro karratuko espazioa du gutxi gorabehera, eta hiru peraltez eta 7 modulu balioaniztunez osatuta dago, hastapen-mailatik tarteko mailarainoko progresioa ziurtatzeko eta norabide-aldaketa ahalbidetzeko.

Obra amaitu ostean, pista erabilgarri dago.