Udalerria dinamizatzeko eta Gabonetan Urnietako establezimenduetan kontsumoa sustatzeko helburuz, On Bizi merkatarien elkarteak opari-txeke kanpaina gauzatu zuen.

Kanpainan parte hartu zuten establezimenduetako batean edozein erosketa edo kontsumo egin zuten pertsonek txartel bat betetzeko aukera izan zuten establezimenduan bertan urtarrilaren 8ra bitarte. 

Zozketa

Txartel horiek bete zituzten pertsonen artean opari-txekeak banatzeko zozketa burutu zen urtarrilaren 9an Lekaio kultur etxean. Establezimendu bakoitzak 150 euro banatu ditu opari-txekeetan, zeinak derrigorrean egokituriko establezimenduan erabali behar diren. Hau da, establezimendu batek banaturiko opari txekea ezingo da beste establezimendu batean erabili. Horretarako azken eguna otsailaren 12 izango da, izan ere, egun horretatik aurrera ez dute baliorik izango.