Iñigo Mercader segalari eta arraunlari hernaniarrak eta Mikel Lizartza segalari tolosarrak apustua jokatuko dute urriaren 12an Xoxokako belardian, 11:30ean hasita. Lehenik, sei kilometro korrika egin beharko dituzte, eta ondoren, segan arituko dira ordu eta erdi osatu arte. Apustuaren irabazlea belar kilo gehien ebakitzen dituen kirolaria izango da.

Iñigo Mercader azken bi urteetan arraunean aritu da Donostiarra B ontzian baina Gipuzkoako Sail txapelketan parte hartu eta hirugarren amaitu zuen Lizartzarengandik bost segundura. Hortik sortu zen erronka. Bi kirolariak burubelarri prestatzen ari dira eta ziur ikuskizun ederrra eskainiko dutela.