Aisialdiko begirale edo zuzendari ikastaroak euskaraz egin dituzten urnietarrek dirulaguntza eska dezakete irailak 23 arte
2024·09·03
Urnietako Udalak kultura, euskara, hezkuntza, kirol, haurreria, gazteria eta aisialdiko jarduerak finantzatzeko dirulaguntzak eskaintzen ditu urtero.
Dirulaguntza lerro horietako bat 2023-2024 ikasturtean aisialdiko begirale edo zuzendari ikastaroak euskaraz egin dituzten urnietarrei bideratuta dago. Bada irekita dago eskaera egiteko epea eta horretarako azken eguna irailak 23 izango da.
Eskaera Bertan herritarren arretarako bulegoan egin daiteke. Baita online ere.
Informazio guztia ondorengo estekan dago eskura.
