Urnietan bizi garen herrialde desberdinetako pertsonak gure artean ezagutzeko, espazio bat partekatzeko eta bakoitzaren ohiturak eta kultura ezagutzeko asmoz “kulturarteko topaketa” antolatu du Etxeberri plazako auzo elkarteak urriaren 16an. Izan ere, kultur aniztasuna ondare unibertsala da eta ez dago elkarrengandik ikastea baino gauza aberasgarriagorik.

Hala, 16:30etik 20:30era bitartean tailerrez, azokaz, jolas kooperatiboez eta kontzertuez gozatzeko aukera izango da. Halaber, Jaima bat jarriko da te dastaketa egiteko eta Food Truck baten presentziarekin ere kontatuko da, non krepeak, galeteak eta izozkiak erosteko aukera izango den.

Antolatzaileek herritarrak animatzen dituzte parte hartzera. Interesa dutenek nahikoa izango dute egunean bertan Etxeberri plazara gerturatzearekin. Eguraldi txarra egiten badu ostera, ekitaldia Egape ikastolan ospatuko da.