Urnietan bizi garen herrialde desberdinetako pertsonak gure artean ezagutzeko, espazio bat partekatzeko eta bakoitzaren ohiturak eta kultura ezagutzeko asmoz “kulturarteko jaia” antolatu du Etxeberri plazako auzo elkarteak urriaren 15ean. Izan ere, kultur aniztasuna ondare unibertsala da eta ez dago elkarrengandik ikastea baino gauza aberasgarriagorik.

Hala, eguerdiko 12:00etatik aurrera janari dastaketaz, tailerrez, azokaz eta kontzertuez gozatzeko aukera izango da, besteak beste. Halaber, Jaima bat jarriko da te dastaketa egiteko eta Food Truck baten presentziarekin ere kontatuko da, non izozkiak erosteko aukera izango den.

Antolatzaileek urnietako herritarrak animatzen dituzte parte hartzera. Interesa dutenek nahikoa izango dute egunean bertan Etxeberri plazara gerturatzearekin. Eguraldi txarra egiten badu ostera, ekitaldia Egape ikastolan ospatuko da.