Urnietako Udalak kiroldegiko bazkide kuoten eta bertan eskaintzen diren ikastaroen zati proportzionalak itzuliko ditu, Bizkortzen enpresako (kirol eraikinaren kudeaketaren enpresa esleipenduna) langileak egiten ari diren grebaren ondorioz zerbitzurik ematen ez den egunengatik.

Itzulketa automatikoa

Itzulketa automatikoki egingo da erabiltzaileek bazkide kuotak edo ikastaroetarako ordainketak egiterakoan emandako kontu zenbakietara edo banku txarteletara. Horrela, ez dute inolako kudeaketarik egin beharko dirua itzul diezaieten.

Udalak espero du egoera hau lehenbailehen konpontzea eta herritarrei barkamena eskatzen die sor daitezkeen eragozpenengatik.