Edukira joan

Urnietako udalaren logotipoa

Mostrar/ocultar menú principal de navegación [eu]

Habiaratutako portletak
Albisteak
Atzealdea

Jabetze Eskola: “zaintzak eztabaidan: zaindu eta norberak bere burua zaintzea”

.

2021·03·15


Urnietako Udalak Pepa Bojok zuzenduko duen “zaintzak eztabaidan: zaindu eta norberak bere burua zaintzea” tailerra antolatu du. Bojo psikoterapeuta ezaguna da eta emakumeekin lan egiten aditua. Herriko emakumeei zuzendutako tailerrean zaintza emakumeen esku egon dela islatuko da horrek dituen ondorioekin, maila fisikoan eta mentalean ez ezik, bizi-rol baten baldintzatzaile eta konformatzaile gisa, harremanetan eta gizartean posizio bat sortzen duen eta diskriminazioa eta desberdintasunak eragiten dituen genero-identitate gisa ere.

Zainketaren ideia da identitate femeninoa eraikitzeko oinarria

Zaintzari buruz ditugun ideiak, nola egin, nork egin... irudi eta eredu kulturalei erantzuten diete, genero-joera handiarekin; zainketaren ideia da emakumeen identitatea eraikitzeko ardatza. Horrek guztiak zaildu egiten du beste neurri batzuk hartzeko aukera, eta horrek, beharbada, premia duen pertsona eta, jakina, zaintzen duen pertsona hobeto zaintzea ekarriko luke.

Zaintzaileen bizitzak senideen premiei erantzutearen ingurukoak dira, eta horrek gainkarga, kezka, erantzukizuna eta erruduntasuna dakartza berekin, eta askotan beren bizitzak bigarren mailan uzten dituzte. Egoera horrek nekea, ondoeza emozionala, somatizazioak, asegabetasuna edo frustrazioa eragiten ditu, eta, gainera, kasu askotan, interes-gatazken iturri izaten da familiako gainerako kideen artean.

Helburuak

Horrela, tailerrak ondorengo helburuak izango ditu:

  • Zaintzak emakumeen identitatea eta subjektibotasuna nola baldintzatzen dituen ulertzea.
  • Barneratutako sinesmenak eta ereduak eta horien ondorioak ezagutzea.
  • Rolak eta sinesmenak eraldatzea: zaintzarako formula propioak aurkitzea.
  • Babes emozionaleko espazio bat ahalbidetzea.
  • Norbera zaintzeko beharraz jabetzea eta hobeto sentitzeko eta bizi-kalitatea hobetzeko estrategiak garatzea.

Metodologia

Ikastaroan 12 eta 20 pertsona bitarteko taldeekin lan egingo da metodologia teorikoa eta bizipen-ariketak uztartuz, emozioak, mina eta beldurrak adierazten lagunduz. Gainera, ongizate mentala eta fisikoa hobetzen lagunduko duten hainbat teknika praktikatuko dira.

Ordutegiak

Tailerra apirilaren 14an hasi eta ekainaren 9an amaituko da. Guztira 9 saio izango dira, astean behin. Saioak asteazkenetan izango dira, 14:45etik 17:00etara Lekaio kultur etxean eta gazteleraz emango dira.

Izen-ematea martxoaren 15etik 26ra

Tailerrean parte hartzeko ezinbestekoa izango da Urnietan erroldatuta egotea. Interesa duten emakumeek martxoaren 15etik 26ra bitartean dute izena emateko aukera, honako bide hauen bidez.

  • Bertan herritarrentzako arreta-bulegoan.
  • Urnietako Udalaren webgunean.

Tailerraren prezioa 10 eurokoa izango da.

IZENA EMAN HEMEN

 


Banner-a
Web edukia bistaratu

Jarrai gaitzazu Youtuben

Web edukia bistaratu

INFORMAZIO
GUZTIA ESKURA
KLIK BATEAN

  Twitter   Facebook   YouTube

Web edukia bistaratu
AGENDA KULTURALA

AGENDA

Web edukia bistaratu

Covid-19 Urnietan

Legenda
  Azken 14 egunetako kasuak 100.000 biztanleko
400 kasu edo gehiago
300 eta 399 kasu artean
60 eta 299 kasu artean
60 kasu edo gutxiago
Eraginik gabe edo 5.000 biztanle baino gutxiago udalerrian
 

 

*Datuen jatorria: OpenData Euskadi

**14 eguneko tasa 100.000 biztanleko. Tasak kalkulatzeko EUSTATen Biztanleen Udal-Erroldaren Estatistikan 2020ko urtarrilaren 1erako argitaratutako biztanleria hartzen da.