Urnietako Udalak lankidetza-hitzarmena sinatu du Andoaingo Gurutze Gorriarekin, Gipuzkoako elikagaien bankuko elikagaiak, beharra duten familiei banatzeko programa gara dezan udalerrian. Horretarako, 3.000 euroko diru-laguntza emango zaio erakunde humanitarioari. 

Luke Goñi, Udaleko Gizartekintza saileko zinegotziak eta Jose Antonio Baena Andoaingo Gurutze Gorriko presidenteak sinatu duten hitzarmena 2022ko abenduaren 31ra arte egongo da indarrean, eta 2024ra arte luzatu ahal izango da, bi aldeek aldez aurretik idatziz adostuta.

Bestalde, Udalak herritarren parte-hartzea eta gizarte-boluntarioak sustatzeko asmoarekin, "Udalerriko elkarteekin lankidetzan aritzeko aukerak zehaztea, berdintasunaren, aniztasunaren eta euskararen balioak integra ditzaten sustatuz" izeneko programa gehitu du. Programa honen bidez, herriko ekintzetan parte hartzen duten elkarteekin elkarlanean arituko da.