Herri Kirolak atsegin dituztenek goi-mailako ikuskizunez gozatzeko aukera izango dute azaroaren 1ean, Urnietan.

• Eguna: azaroak 1
• Ordua: 12:00
• Lekua: Urnietako Udal pilotalekua
• Sarrera: 20 euro (egunean bertan erosteko aukera izango da)

Proba ugari 

Ekitaldiko proba nagusia “Izar berriak – Urrezko aizkolari txapelketa”-ko finala izango da. Bertan 25 urtetik beherako aizkolari onenak lehiatuko dira: Iker Vicente, Jokin Basozabal, Hodei Ezpeleta eta Julen Larrea II, hain zuzen ere.

Horretaz gain, Imanol Royo “Lartain” harrijasotzailea ikusteko parada izango da. 17 urteko gaztea 210 kiloko harria jasotzen ahaleginduko da.

Julen Gabirondo eta Nerea Arruti urnietarrak ikusteko aukera ere izango da, eta, halaber, beste erakusketa batzuk egongo dira.