Aurten ezin da Erregeen ohiko kabalgata ospatu Covid 19ren pandemiaren ondorioz, baina Errege Magoentzat haurren irribarrea funtsezkoa da eta besoak gurutzatuta ez geratzea eta bizi dugun egoerara egokitzen den alternatiba bat bilatzea erabaki dute.

 

 

Hala, urtarrilaren 5ean, herriko frontoian izango dira, herriko haurrei gutunak emateko aukera eskainiz. Horretarako, aurrez hitzordua hartu beharko da Urnietako Udalak Etxeberri plazan jarriko duen karpan. Beraz, 0 eta 6 urte bitarteko haurren gurasoek (2020-2014) hitzordua hartu beharko dute hurrengo egun eta orduetan.

 

• Urtarrilak 2: 12:00-14:00 eta 18:00-20:00

• Urtarrilak 3: 12:00-14:00 eta 18:00-20:00

 

Urnietako Udalak eskutitz bat bidaliko du herriko etxe guztietara informazio horrekin. Era berean, orri horren atzeko aldean, maketaturiko orri bat joango da, haurrek haien nahiak idatz ditzaten.