Matxo tabernaren aurrealdean zegoen autobus geltokia Guria ingurura aldatu zen duela egun batzuk Zaldundegiko estugunearen irteeraren ondoren auto ilarak saihesteko eta zirkulazioa arintzeko.

Halaber, markesina bat jarri zen autobusa itxaron behar duten pertsonek babesleku bat izan dezaten euria egiten duenean. Markesina hori Langardatik ekarri zen herriguneko markesina guztiek estetika bera izan dezaten, eta, orain, kristal berriak jarri zaizkio markesinari.