Matxo tabernaren aurrealdean zegoen autobus geltokia Guria ingurura aldatu da, zaldundegiko estugunearen irteeraren ondoren auto ilarak saihesteko eta zirkulazioa arintzeko.

Halaber, markesina bat jarri da autobusa itxaron behar duten pertsonek babesleku bat izan dezaten euria egiten duenean. Markesina hori Langardatik ekarri da herriguneko markesina guztiek estetika bera izan dezaten. Datozen egunetan kristalak berrituko dira, egoera txarrean daudelako.